neftin nəql prosesinə hazırlanması - niping.az

________________________________________________________________________________________________________________

Fənn: Neftin nəql prosesinə hazırlanması

Səviyyə: Baza, ümumi əsaslar

Müddət: 5 gün

Təlimatçı: t.e.n., dosent Natiq Səfərov

Bu intensiv beş günlük baza kursları neftin nəqlə hazırlanması prosesinin

əsaslarını özündə cəmləyir.

Tədris edilən mövzular, yataqlardan hasil edilən müxtəlif çeşidli neftlərin nəqlə

hazırlanması prosesinin mahiyyəti, zərurəti və hazırlanma keyfiyyətinə qoyulan əsas

tələblər haqqında kursu əhatə edir.

Kursun iştirakçıları neftin nəqlə hazırlanması barədə zəruri bilikləri və ümumi

əsasları öyrənib əldə edəcək, sonda isə elmi-tədqiqat laboratoriyasında aparılan

təcrübələrlə əyani tanış olacaqlar.

Nəzərdə tutulur:

Bu sahədə çalışan mühəndislər, operatorlar, texnik və laborantlar üçün nəzərdə tutulur.

Öyrəniləcək material:

• Neftin nəqlə hazırlanmasının zərurəti;

• Neftlərin fiziki-kimyəvi göstəricilərinə qoyulan əsas tələblər;

• Neftin qruplara ayrılması;

• Neftin tərkibində suyun və kükürdün kütlə payının, xlor duzlarının, mexaniki

qarışıqların, doymuş buxar təzyiqinin, asfalten, parafin, qətranların kütlə payının

təyini ;

• Su-neft emulsiyaları və onların növləri ;

• Neftin sudan ayrılma üsulları ;

• Deemulqatorlar barədə məlumat ;

• Neftin qazsızlaşdırılması üsulları.

Kursun tərkibi:

• Neftin nəqlə hazırlanması ;

• Hazırlanma keyfiyyətinə qoyulan əsas tələblər ;

• Neftin tipinə qoyulan tələblər , onun sıxlığının və tərkibindəki kükürdün

miqdarının ASTM standartlara görə təyini ;

• Su-neft emulsiyaları barədə məlumat ;

• Neftdən suyun ayrılması üsulları ;

• Neftin stabilləşdirilməsi (deqazasiyası) ;

• Elmi-tədqiqat laboratoriyası ilə əyani tanışlıq;

Tədrisi aparan təlimatçı haqqında:

Natiq Muxtar oğlu Səfərov Azərbaycan Dövlət Neft Akademiyasını bitirmişdir.

20 ildən artıq neft-qaz sənayesində elmi-tədqiqat, neft-qaz məhsullarının keyfiyyət

göstəricilərinin təyini və sertifikatlaşdırılması, neft və qazın yığılması, hazırlanması və

nəqli istiqamətlərində təcrübəyə malikdir. Ölkə daxili və xaricdə nəşr olunan 65 elmi

işin, o cümlədən 2 rəhbər sənədin, 1 normativ sənədin , 1 kitabın, 10 patentin və 51

məqalənin müəllifidir. Texniki elmər namizədi(1992) , dosentdir( 2010).

Əmək fəaliyyəti: 5 il Azərbaycan Net akademiyasının “ Neft və qaz yataqlarının

işlənməsi və istismarı” laboratoriyasında mühəndis, elmi işçi, böyük elmi işçi, aparıcı

elmi işçi, 1997-ci ildən bu günə qədər «Neftqazelmitədqiqatlayihə» İnstitutunda böyük

elmi işçi və aparıcı elmi işçi vəzifələrində çalışır. Hazırda «Neft və qazın yığılması,

hazırlanması və nəqli » laboratoriyasının aparıcı elmi işçisidir.

Azərbaycan, rus və ingilis dillərini bilir. BP-nin neftçi-alimlər üçün təşkil etdiyi

«British Counsil» ingilis dili və “Zygon Caspian Consulting” təşkilatının «İSO/APİ Q1

standartları üzrə ikili sertifikasiya» kurslarını bitirmişdir.

Əmək fəaliyyəti ilə əlaqədar əməkdaşlıq etdiyi müştərək müəssisə və əməliyyat

şirkətləri : Suraxanı OYL, Salyan OYL, Neftçala OYL, Sirvan OYL, Binəqədi OYL,

“Qarasu” ƏŞ, “Azgerneft” MM.

Kursun keçirilmə yeri:

«Neftqazelmitədqiqatlayihə» İnstitutu

Bütün kurslar institutun daxilində prezentasiya formasında keçirilə bilər. Həmçinin

institut daxilində daha da dərindən kurslar təşkil oluna bilər.

Daha ətraflı məlumat almaq üçün kursun koordinatoru ilə əlaqə saxlaya bilərsiniz.

Əlaqə nömrələri: (99412) 521-19-57; Faks (99412) 521-15-15;

e-mail: office.ogpi@socar.az.

Ünvan:

«Neftqazelmitədqiqatlayihə» İnstitutu

AZ 1012, Bakı şəhəri , H.Zərdabi pr.88a